Паважаныя бацькі! Давайце разам дапаможам нашым дзецям запомніць колеры вясёлкі!

Вывучыце разам з дзецьмі:

“ЧароўныАловакЖаданнеЗдзейсніць,БоСамФантазёр”

(першыя літары кожнага слова з'яўляюцца першымі літарамі колеру: чырвоны— аранжавы— жоўты— зялёны— блакітны— сіні— фіялетавы).

17.01.2022 17:00 - 17.01.2022 17:02

Паважаныя бацькі!

Размаўляйце разам з намі на беларускай мове!

Прапануем вам беларускія выданні і сайты для дзяцей.

"Вясёлка" - гэта цудоўны часопіс.

"Буся" - чытанка-маляванка для

для дзяцей і бацькоўдашкольнікаў

"Нашыя дзеткі" -гэта вельмі цікавы партал длябацькоў. Саветы і публікацыі на тэмы выхавання, хатняга і школьнага навучання на беларускай мове. Бібліятэка беларускай дзіцячай літаратуры, мультымедыйныя матэрыялы і інш.

Праект “Народныя казкі для дзетак”–ініцыятыва  ЮНІСЕФ у Беларусі. Там вы знойдзіце многа казак і гульняў для дзяцей на роднай мове.

17.01.2022 17:04 - 17.01.2022 17:11

Цікавыя факты пра беларускую мову

1.Даследванні ЮНЕСКА сведчаць:беларуская мова –адна з самых мілагучных. Каб упэўніцца ў гэтым, дастаткова прамовіць некалькі слоў тыпу “пяшчо-о-ота”, “мі-і-іласць”, “натхне-е-енне”

Існуе і навуковае тлумачэнне гэтай мілагучнасці. Яно абумоўлена ў першую чаргу мяккасцю, якая перадаецца ад суседніх гукаў, вялікай колькасцю адкрытых складоў, наяўнасцю ў мове адметнага санорнага гука “ў”, які ўжываецца , а таксама падаўжэннем многіх зычных: адцен-н-е, шматгалос-с-е, завугол-л-е.

2.Беларуская мова–адна з самых багатых у свеце. Калі ў літаратурнай мове налічваецца 250–500 тясяч слоў, то ў дыялектнай –каля двух мільёнаў.

На тэрыторыі Беларусі існуюць сотні гаворак. Што цікава, часам адрозніваюцца гаворкі не толькі суседніх вёсак, але і двух канцоў адной вёскі! Напрыклад, у пачатку вёскі могуць казаць “шапа”, “пляшка”,. “лаўка”, а праз колькі хат–“шафа”, “бутэлька”,”крама”.

3.Наша мова з’яўляецца адной з самых меладычных. Беларуская мова адрозніваецца вялікай колькасцю не только дыялектных слоў, але і песень. Уся справа ў простых сказах, выразных словах ды той жа мілагучнасці.

4.У выніку шматгадовага суіснавання беларускай і рускай мовы з’явілася так званая трасянка. Лічыцца, што гэта моўная з’ява стала наступствам камунікацыі пераважна беларускамоўнага насельніцтва з рускамоўным горадам.
 

5.Скульптурным увасабленнем адметнасці беларускай мовы з’яўляецца помнік літары “Ў” у Полацку (2003 год). Ля падножжа скульптуры выбітыя радкі з верша народнага паэта Беларусі Рягора Барадуліна: "Ад Ефрасінні, ад Скарыны, ад Полацка пачаўся свет”. Аўтар праекту–мастак і дызайнер Ігар Куржалаў.

17.01.2022 17:15 - 17.01.2022 17:15

                  Агляд мультфільмаў і праграм для дзяцей на беларускай мове

Пэўная колькасць бацькоў прыходзіць да пытання: ці існуюць мультыплікацыйныя фільмы для дзетак на беларускай мове? Так– яны існуюць.

Малянятам (1-3 гады) падабаюцца пераважна так званыя развівальныя мультфільмы, названыя так таму, што прапаноўваюць у вершаванай форме вывучаць лічбы і літары, колеры і памеры. Бацькі ведаюць,што існуе неверагодная  колькасць такіх праектаў на рускай, ангельскай і разнастайных еўрапейскіх мовах.

Ёсць і беларускамоўныя аналагі– на канале“Развіваючае відэа для дзяцей Умачка” (спасылка на сайце Казкі.бай)

Вельмі карысным рэсурсам стане baravik.org.Гэта міжнародны беларускамоўны рэсурс з досыць вялікай калекцыяй фільмаў для дзяцей і дарослых. Сярод іх шмат перакладаў як прафесійных, так і аматарскіх. Пампаваць можа толькі зарэгістраваны карыстальнік. Калі вам прасцей уключыць відэа праз інтэрнэт, то на канале Bielamult змешчаны некаторыя мультфільмы, у тым ліку“Аблавушак”, “Пінгвінік Пік-Пок”, “Аповеды таты бабра”, “Польскія казкі і паданні”.

Відэа для дзетак ёсць і на Тэлеканале Белсат на Youtube. «Прыгоды і паходы»— гэта, як пішуць аўтары, пазнавальная праграма для дзяцей 4-8 гадоў.  Дзякуючы ёй, малеча даведаецца пра свет вакол сябе, пра цікавыя падзей і незвычайныя здарэнні.

Глядзіце, калі ласка!

17.01.2022 17:22 - 17.01.2022 17:25